Kurrë nuk është vonë: themeluesit e kompanive gjigante i filluan inovacionet e tyre në moshë më të vonë!

infoepiqendra
2 days ago
2 min read

Updated: 1 day ago

Shkruan: Labinot Kunushevci

Shumë njerëz dëshprohen dhe dorëzohen nga sfidat, pengesat, krizat dhe betejat e jetës, duke dështuar të fillojnë diçka të re. Disa e shohin moshën e mesme apo të pjekurisë si pengesë për të filluar diçka nga zero, një ide, projekt a ndërmarrje, pasi gabimisht gjykojnë se "koha ideale" për të ndërmarrë diçka është mosha e re 20 vjeçare. Jo!

"Startup" nuk njeh moshë!

Por nëse shohim shumë novatorë bashkëkohorë produktet dhe projektet e tyre gjigante të cilat i kthyen në ndërmarrje globale, i filluan jo në moshë të re. Sepse me moshën vjen përvoja, pjekuria dhe njohja e problemeve.

Andaj, mos u dorëzoni asnjëherë. Dilni nga "Comfort Zone" dhe filloni diçka të re. Dhe kur dëshironi të ndërtoni një biznes, mos pyetni: "A jam shumë i vjetër?", por pyetni: "A jam gati të ndërtoj diçka që zgjatë?"

Sepse kapitalistët e njohur nuk vuanin nga kompleksi i inferioritetit. Ata krijuan rrethana të favorshme pavarësisht moshës. Sigurisht se nuk ia dolën vetë pasi ishin bashkëthemelues dhe kishin partnerë. Ata ishin inteligjentë në përdorimin e momentumeve dhe investuan në kohë, resurse, rrjete, ide dhe mundësi, duke u bërë biznesmenë të suksesshëm./EPIQENDRA.COM